*********
مافيه دمع صوبوه احبابى بوجهى وخاب
ولازرق حزنى على غالى ولا فج انحره
كل الزهاب الى معى ذكرى من اصحاب الزهاب
والى بقالى من عذاب اشرس طريقى واخطره
لانى تجنبت الغرق عديت من فوق السحاب
لان اكثر اصحابى ورق ما شفت للطيب ثمرة
والله ماحطيت بين الحقد والاخوة حجاب
حتى غدوا ربعى يحقدونى على الظيق اشكره
البارحه ثارت على ارقاب واواتنى ارقاب
البارحه يا ثقل دم البارح و يا ما احقره
اهب يا وجه الحسد وشلون جمعهم وغاب
كيف السنين اللى عطتنى بعثرتهم بعثرة
اثر المصايب ما تجيك الا من الناس الاقراب
وفى هالزمن حتى الرفيق الى تثق فيه احذره
لابارك الله في رفيق تزعله كلمة اعتاب
ولاجمع الله الرجال اللى اتفرقهم مراه
عودت نفسى كل ما شدت لليمه ركاب
ما صد وجهى عن طريق الا ليا جبت اخبره
الصاحب اللى ما تجى من صحيته غير العذاب
نذر عليا ان ما هجرنى والا انا اللى بهجره
من يفتح لفرقاى باب افكله عشرين باب
واذا خوى ما يقدر خوتى ما قدره
ان روحوا فانا برئ منهم ليوم لحساب
وان جرحوا قولولهم ما حركوا فيا شعره
شفهم لهم حول السنة ولا خذوا منى جواب
احسن دواء للى يحاول يستفزك تحقره
انا جمعت اوارقهم بكتاب واغلقت الكتاب
ياوقت لم اللى تلمه وانثر اللى تنثره
ما كنت احاكيهم صغير عاد احاكيهم شباب
ان ما ذخرنى صاحبى لليوم الاسود ما اذخره
عقب اكتئاب البارحه ماعاد انا حمل اكتئاب
الطيب جرجنى وانا مانى بناقص جرجره
اللى اخاف من الظما يترك لنا طرد السراب
واللى ماهو بقد الظلام ووحشته لايسهره
انا تجرعت العطش لين احترق وجهى وذاب
انا كسرت بخاطرى قبل الصداقه تكسره
انا خسرت اللى غيابه غير عن كل الاغياب
اناغفرت لعالم ما تستحق المغفرة
انا اكثر انسان تعلم من كثر ما اخطأ واصاب
انا اخر انسان يتكلم فى زمان الثرثره
انا القصيد اللى فزع من دفتره مليون ناب
وانا الوحيد اللى جمع مليون ناب بدفتره
جفنى وجرحها السهر حيلى وهدتها الصعاب
دمعى هدر ظحكى ندر عمرى وظيعة اكثره
شيبت فى عقول العرب هيبت روس ما اتهاب
جمهرة ناس عمرهم ما يعرفون الجمهرة
ماصرت ذيب الا لانا اللى حولنى اذياب
ما كنت اغيب الا لانا العفو عند المقدرة
تر حالاتك لا حملت لصاحبك كلمة عتاب
ان ما نطقت بها بوجه ما تذمه بظهره
فى هالزمن مايملى عيون الحسود الا التراب
والا الحضيض الطلقة اللى ما تصيبه تذعره
ودك اليا من جاتك الغلطة من الناس الاقراب
الصاحب اللى ما اكسبت محبته ما تخسره
السبت فبراير 28, 2009 8:03 am من طرف Night Angel
